inspiring story : वडील वॉचमन, आईसह तिनेही केली लोकांच्या घरची धुणीभांडी, पण न खचता आज सीमा बनली PSI

दरम्यान, सीमाच्या घरची परिस्थिती ही अत्यंत हालाकीची होती. सीमाने दहावीनंतर पुढे शिकण्यासाठी तिच्या आईबरोबर लोकांच्या घरी जाऊन धुणे भांडे केले आणि त्यातून जे पैसे भेटले त्यातून मिळालेल्या पैशातून स्वतःच्या शिक्षणाचा खर्च उचलला. यासाठी तिला अनेक लोकांनी मदत केली, असेही तिने सांगितले.

आमच्या घरची परिस्थिती अत्यंत हालाखीची आहे. आमच्या पोट हातावर आहे. मात्र, आज आमच्या पोरीनं जे करून दाखवलं, त्यामुळे आम्हाला तिचा सार्थ अभिमान आहे. आज तिच्या या याच प्रयत्नांमुळे आमची परिस्थिती बदलणार आहे, असे सीमाची आई लता नावकर म्हणाल्या. सीमाचा हा प्रवास तरुणासाठी खरंच प्रेरणादायी आहे.

माझ्या मुलीच्या या यशाने आमची मान समाजात उंचावली आहे. आम्हा सर्वांना खूप आनंद होत आहे. आमची प्रतिष्ठा वाढली आहे, असे मत तिच्या वडिलांनी यावेळी व्यक्त केले. तसेच तिच्या भावाचेही पोलीस होण्याचे स्वप्न होते. मात्र, परिस्थिती अभावी तो त्याचे स्वप्न करू शकला नाही. मात्र आता मी माझ्या बहिणीने पीएसआय होऊन माझे स्वप्न पूर्ण केले, अशी भावना सीमा हिचा भाऊ संदीप नावकर याने व्यक्त केली.

ग्रामीण भागातील मुला मुलींनी आपले एक ध्येय निश्चित करुन, आई वडिलांचे स्वप्न पूर्ण करण्यासाठी मेहनत घ्यायला हवी. ग्रामीण भागातून आल्यावर शहरात आल्यावर इथंलं चित्र वेगळं असतं. त्यामुळे विद्यार्थ्यांनी मुला-मुलींनी आपल्या अभ्यासावर, आपल्या ध्येयावर लक्ष केंद्रित करायलं हवं. तसेच सोशल मीडियाचा विशेष करुन अत्यंत जपून वापर करायला हवा, असा महत्त्वाचा सल्ला तिने दिला. तसेच आई वडिलांनीसुद्धा आपल्या मुलांची स्वप्न पूर्ण करण्यासाठी सकारात्मकपणे पाठिंबा द्यायला हवा. सुरुवातीला अपयश जरी आले तरी त्यांच्या पाठिशी ठाम उभे राहायला हवे. तसेच मुलगी असेल तर पुन्हा पुन्हा तिला लग्नाचा विषय काढून तिचा आत्मविश्वास न करता तिला आपली स्वप्न पूर्ण करण्यासाठी सकारात्मक वातावरण निर्मिती करायला हवी, असेही सीमा म्हणाली.