संगमनेरमधून पंजा गायब, काँग्रेसला धोका दिलेल्या सत्यजीत तांबे यांच्या बायकोच्या प्रचारासाठी थोरात मैदानात

हरीश दिमोटे, प्रतिनिधी, संगमनेर, अहिल्यानगर : विधानसभा निवडणुकीत पराभूत झाल्यानंतर काहीसे अज्ञातवासात गेलेले काँग्रेसचे ज्येष्ठ नेते बाळासाहेब थोरात स्थानिक स्वराज्य संस्थेच्या निवडणुकीनिमित्त पुन्हा रणमैदानात उतरले आहेत. अधोरेखित करण्यासारखी बाब म्हणजे ज्या सत्यजीत तांबे यांनी काँग्रेस पक्षाला धोका देऊन विधान परिषद निवडणूक लढवली, त्याच तांबेंच्या पत्नीच्या प्रचारासाठी बाळासाहेब थोरात हे सक्रीय झाले आहेत. विशेष म्हणजे संगमनेरमधून पंजाचे चिन्ह गायब झालेले असताना!