काँग्रेसचा महाराष्ट्रात डाऊनफॉल होईल, पार्थ पवार यांच्या वक्तव्यावर सुप्रिया सुळे यांची पहिली प्रतिक्रिया

लोक विसरत नाहीत. जे दादांचं प्रेम आहे लोकांच्या हृदयात होतं आणि आजही कायम आहे, अशावेळी एवढ्या मॅच्युअर पक्षाने असा निर्णय घेणं म्हणजे..., जिथे एवढे मोठे नेते आहेत, अतिशय चुकीचं आहे. मला वाटतं की आपण कोणाला थांबवू शकत नाही. जशी वेळ येते तसं सामोरं जावं लागतं. आम्ही सामोरं जाऊ, आम्ही काही कुणाला फोन करणार नाही, जे काही नशिबात लिहिलं आहे, ते होईल. फक्त मला वाईट वाटतंय की काँग्रेसचा महाराष्ट्रात डाऊनफॉल आहे.

एकतर मला असं वाटतं की हा प्रश्न मला विचारण्याऐवजी राष्ट्रवादी काँग्रेस पक्ष अजित पवार गट आहे त्या नेत्यांना विचारावा. त्यांच्या एका खासदाराचं मत आहे. तर ते त्यांच्या पक्षाचं मत असावं. मला असं वाटतं की त्यांचं काय मत आहे हे मी बोलण्यापेक्षा त्यांच्या गटाने बोलणं जास्त योग्य आणि संयुक्तिक उत्तर मिळेल. राजकारणात परिपक्वता लागते असं शरद पवार म्हणाले होते. पार्थ पवार यांच्यात ती आहे की नाही हे मला माहिती नाही. आदरणीय पवार साहेब हे कर्तृत्व, वय आणि नात्यानी सगळ्याच बाबतीत माझ्यापेक्षा मोठे आहेत. ज्या संस्कारात मी वाढले त्यात आपल्यापेक्षा जी कोणी व्यक्ती मोठी असेल यांनी एकदा बोलल्यावर आपण त्यावर काहीच बोलायचं नसतं हे मला माझ्या घरच्यांनी शिकवलं आहे. कौटुंबिक सल्ला हा घरात द्यायचा असतो. तो इथे बोलण्याची ही वेळ नाही.

महाराष्ट्रात काँग्रेसचा डाउनफॉल होईल असं पार्थ पवार यांनी विधान केल्यानंतर त्यावर काँग्रेसनं बोचरी टीका केली आहे. तर दुसरीकडे बारामतीच्या राजकारणात पोटनिवडणूक बिनविरोध व्हावी असं सुनेत्रा पवार यांनी भावनिक साद घातल्यानंतरही काँग्रेसनं आपल्या उमेदवार दिला. त्यानंतर पार्थ पवार विरुद्ध काँग्रेस असं नवीन राजकारण सुरू झालं आहे. या सगळ्यावर शरद पवार यांनी प्रतिक्रिया दिली. पार्थ पवार यांनी कोणत्याही प्रकारचं भाष्य करताना जबाबदारीने आणि तर्कसंग करायला हवं असा एक सल्ला त्यांनी नकळत दिला. मुळात त्यासाठी परिपक्वता लागते असं म्हणत त्यांनी पार्थ यांचे कान टोचले.

धड भाषणही देता न येणाऱ्या, कुटुंबीयांच्या पुर्वपुण्याईवर आताच खासदार झालेल्या मुलाने कॉंग्रेस पक्षाच्या डाऊनफॉल बद्दल बोलणं, म्हणजे जरा जास्तच नाही का झालं ? स्वतःच्या वडिलांच्या संशयास्पद अपघाती मृत्यूनंतर लगेच जमीन घोटाळ्यातील चौकशीतून बचावासाठी राजकीय सोय म्हणून शांत राहणाऱ्या, महाशक्तिसमोर सरेंडर झालेल्या या कृतघ्न मुलाने कॉंग्रेस पक्षाबद्दल न बोललेलंच बरं राहील. या मुलाच्या वडिलांना न्याय मिळवून देण्यासाठी कर्नाटक सरकार ने त्यांच्या राज्यात FIR नोंद करून घेतला, तिथे सरकार काँग्रेस पक्षाचे आहे, कॉंग्रेस पक्षाचेच बारामती विधानसभा पोटनिवडणूकीतील अधिकृत उमेदवार त्या संशयास्पद अपघाताचा महाराष्ट्रात गुन्हा नोंद करा, निवडणूकीतून माघार घेईल, अशी मागणी करत आहेत. यावरही या कृतघ्न मुलाने बोलायला हवे ?