दीड तासाचा प्रवास 15 मिनिटांत, गेमचेंजर प्रकल्पाच्या कामाला आजच सुरुवात, ठाणे ते बोरिवली सुसाट

ठाणे: ठाणे आणि बोरीवलीदरम्यान प्रस्तावित दुहेरी बोगदा प्रकल्प आता लवकरच प्रत्यक्षात येणार आहे. आजपासून औपचारिक खोदकामाला सुरुवात होत आहे. राज्याचे मुख्यमंत्री देवेंद्र फडणवीस यांच्या हस्ते या महत्त्वाच्या कामाचा शुभारंभ होणार असून उपमुख्यमंत्री एकनाथ शिंदे, सुनेत्रा पवार यांचीही उपस्थिती अपेक्षित आहे. दीर्घकाळ चर्चेत असलेल्या या प्रकल्पामुळे मुंबई महानगर प्रदेशातील वाहतूक व्यवस्थेला मोठा दिलासा मिळण्याची शक्यता आहे.