Chandrashekhar Bawankule : कसिनोमध्ये गेलो होतो का नाही? संजय राऊतांच्या आरोपांनंतर बावनकुळेंचा खुलासा

Published by:Shreyas

Last Updated:Nov 20, 2023 5:14 PM IST

भाजप प्रदेशाध्यक्ष चंद्रशेखर बावनकुळे यांनी मकाऊमध्ये कसिनो खेळत साडेतीन कोटी रुपये उडवल्याचा खळबळजनक आरोप शिवसेना नेते संजय राऊत यांनी केला आहे. यावर चंद्रशेखर बावनकुळे यांनी खुलासा केला आहे.

इम्पॅक्ट शॉटतुमचा गेटवे लेटेस्ट न्यूज

Translate

+ Follow usOn Google

कसिनोच्या आरोपांवर बावनकुळेंनी दिलं स्पष्टीकरण

मुंबई, 20 नोव्हेंबर : भाजप प्रदेशाध्यक्ष चंद्रशेखर बावनकुळे यांनी मकाऊमध्ये कसिनो खेळत साडेतीन कोटी रुपये उडवल्याचा खळबळजनक आरोप शिवसेना नेते संजय राऊत यांनी केला आहे. संजय राऊत यांच्या या आरोपांमुळे खळबळ उडाली आहे. संजय राऊत यांच्या आरोपांवर चंद्रशेखर बावनकुळे यांनी प्रतिक्रिया दिली आहे. बावनकुळे यांनी ट्विटरवर त्यांच्या मकाऊ ट्रीपचे कुटुंबासोबतचे फोटो शेअर केले आहेत.

'मी मकाऊ येथे ज्या हॉटेलमध्ये सहकुटुंब मुक्कामी होतो, तेथील हा परिसर आहे. या हॉटेलच्या ग्राऊंड फ्लोअरवर रेस्टॉरंट आणि कसिनो एकच आहे. जेवण केल्यानंतर मी कुटुंबीयांसह रेस्टॉरंटमध्ये बसलो असताना कुणीतरी काढलेला हा फोटो आहे,' असं ट्वीट बावनकुळे यांनी केलं आहे.

मी मकाऊ येथे ज्या हॉटेलमध्ये सहकुटुंब मुक्कामी होतो, तेथील हा परिसर आहे. या हॉटेलच्या ग्राऊंड फ्लोअरवर रेस्टॉरंट आणि कसिनो एकच आहे. जेवण केल्यानंतर मी कुटुंबीयांसह रेस्टॉरंटमध्ये बसलो असताना कुणीतरी काढलेला हा फोटो आहे. pic.twitter.com/yzqdrmFh0Y

— Chandrashekhar Bawankule (@cbawankule) November 20, 2023

यह उस होटल का परिसर है जहां मैं मकाऊ में अपने परिवार के साथ रुका था। होटल में रेस्तराँ और कैसीनो ग्राऊंड फ्लोर पर है! वह फोटो किसी ने तब ली थी जब मैं रात के खाने के बाद अपने परिवार के साथ रेस्तराँ में बैठा था। pic.twitter.com/v3mMRl1t2D

— Chandrashekhar Bawankule (@cbawankule) November 20, 2023

संजय राऊतांचे खळबळजनक आरोप

पहिले ट्वीट करून बावनकुळेंचा फोटो शेअर केल्यानंतर संजय राऊत यांनी पत्रकार परिषद घेऊन पुन्हा एकदा बावनकुळे यांच्यावर निशाणा साधला. 'महाराष्ट्रातील नेते दिसत आहेत, हे मी ऐकलं. मी कुणाचं नाव घेतलं नाही. जो व्यक्ती आहे त्यांनी सांगावं की ते नाहीत किंवा पक्षाच्या लोकांनी सांगावं. तेलगीने एका रात्रीत 1 कोटी उडवले हे माहिती, मकाऊमध्ये एक माणूस साडेतीन कोटी उडवतो, म्हणजे अच्छे दिन आले,' असा टोला संजय राऊतांनी लगावला.

19 नोव्हेंबर
मध्यरात्री
मुक्काम पोस्ट: मकाऊ,veneshine.
साधारण 3.50 कोटी कॅसिनो जुगारात उडवले असे प्रत्यक्ष दर्शी सांगतात.
हिंदुत्ववादी असल्याने महाशय द्युत ..खेळले तर बिघडले कोठे?
ते तेच आहेत ना?@BJP4Maharashtra @AUThackeray @Dev_Fadnavis @AmitShah pic.twitter.com/XlScC63h2Q

— Sanjay Raut (@rautsanjay61) November 20, 2023

'रेस्टॉरंटला जातात आणि साडेतीन कोटी उडवतात. साडे तीन कोटींचे कॉईन तीन टप्प्यात विकत घेतात. मी कुणाच्या व्यक्तीगत आनंदावर विरजण घालू इच्छित नाही, महाराष्ट्रात काय सुरू आहे, दुष्काळाची परिस्थिती आहे. मी कोणाचं नाव घेतलं नाही, पण ते म्हणतात कुटुंबासोबत गेले होते, चायनीज फॅमिली आहे का? माझ्याकडे 27 फोटो आहेत, व्हिडिओदेखील आहेत. तुम्ही जेवढं खोटं बोलाल तर अजून उघडे पडाल. तुमच्याकडे भारतात ईडी सीबीआय असतील, आमच्याकडे मकाऊमध्ये ईडी सीबीआय आहे, साडेतीन कोटी डॉलर्समध्ये व्यवहार झाले. टोळधाड बंद करा, नाहीतर तुम्हाला दुकान बंद करावं लागेल. तीन तासात साडेतीन कोटी खर्च केलेत,' असा आरोपही संजय राऊतांनी केला.

'कुटुंब खोलीत आहे, आपण खाली आहात, कुटुंबाच्या गोष्टी करू नका. मी वैयक्तिक टीका करत नाही,' असंही संजय राऊत म्हणाले.

view comments

Location :

Mumbai,Maharashtra

First Published :

Nov 20, 2023 5:14 PM IST

Chandrashekhar Bawankule : कसिनोमध्ये गेलो होतो का नाही? संजय राऊतांच्या आरोपांनंतर बावनकुळेंचा खुलासा