Maharashtra Local Body Election: उमेदवारी अर्जावरील आक्षेप फेटाळला, डीएनए चाचणीची मागणी करत भाजपची कोर्टात धाव, प्रकरण काय?

अविनाश कानडजे, प्रतिनिधी, छत्रपती संभाजीनगर: नगर परिषद व नगर पंचायतींच्या निवडणूक प्रक्रियेत महत्त्वाचा टप्पा मानल्या जाणाऱ्या अर्ज तपासणीबाबतची सुनावणी बुधवारी झाली. फुलंब्री, वैजापूर आणि गंगापूरमधील अनेक आक्षेप निवडणूक निर्णय अधिकाऱ्यांनी फेटाळून लावले. त्यामुळे प्रमुख उमेदवारांची उमेदवारी कायम राहिली. मात्र पैठणमध्ये भाजपाला मोठा धक्का बसला असून तिघा उमेदवारांचे अर्ज अवैध ठरल्यामुळे त्यांनी थेट न्यायालयात धाव घेतली आहे. आता कोर्टात डीएनएची चाचणीची मागणी करण्यात येणार असल्याने छत्रपती संभाजीनगरमध्ये सध्या या प्रकरणाची जोरदार चर्चा सुरू झाली आहे.