बुलढाण्यात लग्नाच्या मंडपात रक्तरंजित राडा, तरुणावर चाकुने सपासप वार, थरकाप उडवणारा CCTV VIDEO

राहुल खंडारे, प्रतिनिधी बुलढाणा: लग्नाच्या मांडवात आनंदी वातावरण असताना अचानक झालेल्या एका हिंसक घटनेनं बुलढाणा जिल्हा हादरला आहे. तालुक्यातील कोलवड येथे एका विवाह सोहळ्यात जुन्या भांडणाचे पर्यावसान रक्तरंजित राड्यात झाले. कावड यात्रेदरम्यान झालेल्या वादाचा राग मनात धरून एका तरुणावर चाकूने जीवघेणा हल्ला करण्यात आला. या घटनेत एक तरुण गंभीर जखमी झाला असून, ही संपूर्ण घटना परिसरातील CCTV कॅमेऱ्यात कैद झाली आहे.