Agriculture: मराठवाड्यात पावसाचा कहर, डाळिंबाची बाग उद्ध्वस्त, शेतकऱ्याच्या डोळ्यात पाणी!

छत्रपती संभाजीनगर : मराठवाड्यात झालेल्या जोरदार पावसामुळे शेतकऱ्यांचे प्रचंड नुकसान झाले आहे. शेतकऱ्यांची उभी पिके आडवी झाली असून काही ठिकाणी फळबागाही उद्ध्वस्त झाल्या आहेत. छत्रपती संभाजीनगरच्या पळशी गावातील अर्जुन पळसकर यांच्या डाळिंब शेतीचं मोठं नुकसान झालंय. शेतातील 400 झाडांपैकी जवळपास 75 टक्के डाळिंबाच्या झाडांचे नुकसान झाले आहे. त्यामुळे या शेताचे पंचनामे करून तात्काळ नुकसान भरपाई देण्यात यावी, अशी मागणी शेतकरी पळसकर यांनी लोकल18 सोबत बोलताना केलीये.