जिद्दीनं व्यवसाय उभारला, पण विश्वासू माणसांनीच दगा दिला, तरुणी थेट रुग्णालयात!

छत्रपती संभाजीनगर : जिद्द आणि मेहनतीच्या जोरावर गॅस वितरणाचा व्यवसाय उभारला. पण, 28 वर्षीय तरुणीला स्वतःच्या एजन्सीत काम करणाऱ्या दोन विश्वासू माणसांनी दगा दिला. छत्रपती संभाजीनगरमधील सिडको परिसरातील श्री जगदंबा गॅस एजन्सी येथील तब्बल 60 भरलेले आणि 140 रिकामे गॅस सिलिंडर, तसेच वाहनांच्या बॅटऱ्या, किल्ल्या आणि महत्त्वाची कागदपत्रे त्यांनी लंपास केली आहेत. या चोरीतून एकूण 4 लाख 63 हजार रुपयांचा ऐवज गायब झाला असून, या धक्क्याने एजन्सीचालक तरुणीची प्रकृती बिघडल्याची माहिती आहे. या प्रकरणी एमआयडीसी सिडको पोलिस ठाण्यात दोघांविरुद्ध गुन्हा दाखल करण्यात आला आहे.