पत्नीला हाकललं अन् तृतीयपंथीयाला घरी आणलं, पतीचं धक्कादायक कांड, छ. संभाजीनगरची घटना

छत्रपती संभाजीनगर: सध्याच्या काळात कौटुंबिक कलहाचे प्रकार वाढत आहेत. पती-पत्नीच्या नात्यांत देखील अगदी किरकोळ कारणावरून दुरावा आल्याच्या घटना देखील पुढे येत आहेत. छत्रपती संभाजीनगरमध्ये 22 वर्षीय विवाहितेने पतीवर गंभीर आरोप केले आहेत. 37 वर्षीय पतीचे एका तृतीयपंथीयासोबत संबंध असून त्यासाठी आपला छळ सुरू असल्याची तक्रार जिन्सी पोलीस ठाण्यात केली आहे. या प्रकरणात पतीसह सासरच्या सहा जणांविरोधात गुन्हा नोंदवला आहे.