सेवानिवृत्त PSI अचानक बेपत्ता, कुटुंबीयांनी फोन केला पण.., ‘ते’ दृश्य पाहून छ. संभाजीनगर हादरलं!

छत्रपती संभाजीनगर शहर पोलीस दलातून घुगे हे 2023 मध्ये उपनिरीक्षक म्हणून सेवानिवृत्त झाले होते. तेव्हा ते क्रांतीचौक पोलीस ठाण्यात कार्यरत होते. त्यांना दोन मुले असून ते खासगी कंपनीत नोकरी करतात. तर एक विवाहित मुलगी आहे. सेवानिवृत्तीनंतर घुगे कधी बीड बायपासवर राहणाऱ्या मुलाकडे, तर कधी बाळापूर शिवारातील घरी राहत होते.

पोलिसांनी घटनास्थळी धाव घेत पाहणी केली. अग्निशमन विभागाच्या मदतीने मृतदेह बाहेर काढण्यात आला. सदर मृतदेह हा घुगे यांचाच असल्याचे स्पष्ट झाले. विहिरीपासून काही अंतरावर घुगेंची दुचाकी आढळली. तर दुचाकीच्या डिक्कीत एक दोरी देखील आढळली. त्यामुळे भीमराव घुगे यांनी आत्महत्याच केली असावी, असा अंदाज आहे. त्यांच्या पार्थिवावर बाळापूर स्मशानभूमीत अंत्यसंस्कार झाले.

दरम्यान, चिकलठाणा पोलिसांनी आकस्मिक मृत्यूची नोंद केली आहे. तसेच त्यांनी आत्महत्या केली असल्यास त्याची कारणे काय? याचा शोध पोलीस घेत आहेत.