एक पुण्यात तर दुसरा मुंबईत; दोन तरुणांचं मिळून धक्कादायक कांड, झडती घेताच पोलिसांनी ठोकल्या बेड्या

पुणे : पिंपरी-चिंचवडच्या वाकड आणि हिंजवडी परिसरात पोलिसांनी अमली पदार्थ विरोधी मोहिमेत मोठे यश मिळवले आहे. हिंजवडी पोलिसांनी वाकड परिसरात सापळा रचून तब्बल २० लाख रुपये किमतीचे एम.डी. (मेफेड्रोन) आणि इतर मुद्देमाल जप्त केला आहे. यात एकूण २७ लाख ७५ हजार रुपयांचा साठा जप्त केला आहे. या प्रकरणी पुणे आणि मुंबईतील दोन तस्करांच्या मुसक्या आवळण्यात आल्या. अतुल शंकर बालगुडे (वय ३५, रा. पाथरगाव, मावळ) आणि त्याचा मुंबईतील साथीदार शारुख उर्फ सद्दाम इक्बाल अन्सारी (रा. गोवंडी) अशी अटक केलेल्यांची नावे आहेत.