70 हजारात सौदा, गर्भातच व्हायची मुलीची हत्या, MBBS डॉक्टरही सामील, संभाजीनगरात मोठं रॅकेट

अविनाश कानडजे, प्रतिनिधी छत्रपती संभाजीनगर : मागील काही दिवसांपासून छत्रपती संभाजीनगरमध्ये अवैध गर्भपाताचे प्रमाण वाढले आहेत. महिनाभरापूर्वी इथं एक गर्भपाताचं रॅकेट उघडकीस आलं होतं. एमआयडीसी सीडको परिसरात एका २६ वर्षीय विवाहितेचा जबरदस्तीने गर्भपात घडवून आणला जात होता. गरोदर महिलेला पोटावर झोपवून अत्यंत क्रूर पद्धतीने गर्भपात केला जात होता. हे प्रकरण ताजं असताना आता छत्रपती संभाजीनगर शहराला हादरवून टाकणारं दुसरं गर्भपाताचं रॅकेट उघडकीस आलं आहे.