Ashok Kharat Case : अशोक खरात प्रकरणात अधिकाऱ्यांचे पाय खोलात! IAS पाठोपाठ दोन वरिष्ठ महिला पोलीस अधिकारी गोत्यात

Ashok Kharat Case (लक्ष्मण घाटोळ, प्रतिनिधी) : नाशिकचा भोंदू अशोक खरात प्रकरणात आता नवनवीन खुलासे होत असून, आता ईडीने अशोक खरातच्या नाड्या टाईट करण्यास सुरूवात केली आहे. राज्यात विविध ठिकाणी अशोक खरातच्या संपत्तीवर छापे टाकणं सुरू असून आता प्रकरणात वेगवेगळी माहिती समोर येत आहे. अशातच या प्रकरणात अनेक बड्या अधिकाऱ्यांचं नाव देखील समोर येताना दिसतंय. एका आयएएस (IAS) अधिकाऱ्यापाठोपाठ दोन वरिष्ठ पोलीस अधिकारी सुद्धा अडचणीत येण्याची शक्यता निर्माण झाली आहे. यामुळे फक्त नाशिकमध्येच नाही तर संपूर्ण महाराष्ट्रात खळबळ उडालीये.