मुंबईला उष्णतेचा येलो अलर्ट, पुणे, नागपुरमध्ये काय स्थिती? पाहा हवामान अपडेट

मुंबई : राज्यातील तापमानात आणखी वाढ झाल्याचं बघायला मिळत आहे. मुंबईतील तापमानात वाढ होऊन कमाल तापमान 37 अंशापर्यंत पोहोचले आहे. त्यामुळे तेथील वातावरण उष्ण आणि दमट झाले आहे. त्याचबरोबर 23 फेब्रुवारीला राज्यातील तुरळक ठिकाणी हलक्या पावसाची शक्यता देखील हवामान विभागाकडून वर्तवण्यात आली होती. 24 फेब्रुवारीला राज्यातील वातावरण कोरडे असणार आहे. कुठलीही पावसाची शक्यता नाही. 24 फेब्रुवारीला राज्यातील इतर प्रमुख शहरांत तापमान आणि हवामानाची स्थिती कशी असेल पाहुयात.