Mahashivratri 2026: महाशिवरात्रीला 3 तासांत घृष्णेश्वर दर्शन; वेरुळला VIP बंद, वाहतुकीत बदल, पाहा सविस्तर

‎छत्रपती संभाजीनगर: येत्या 15 फेब्रुवारी रोजी महाशिवरात्री असून या दिवशी देशभरातील शिवमंदिरांत भाविकांची मोठी गर्दी असते. छत्रपती संभाजीनगर जिल्ह्यातील वेरूळ या ठिकाणी असणारे श्री घृष्णेश्वर मंदिर हे बारा ज्योतिर्लिंगापैकी एक आहे. महाशिवरात्रीनिमित्त या ठिकाणी देशभरातून शिवभक्त येत असतात. भाविकांना श्री घृष्णेश्वराचे दर्शन लवकर घेता यावे, कुठलीही गैरसोय होऊ नये यासाठी प्रशासनाने आणि मंदिर प्रशासनाने संपूर्ण तयारी केलेली आहे.