Trending:

पैठणमध्ये भाजपला भोपळा, वैजापुरातही हवा टाईट, संभाजीनगर पंचायत समितीत कुणाची बाजी? 9 जागांचा निकाल एका क्लिकवर

Published by:Ravindra Mane

Last Updated:Feb 09, 2026 3:16 PM IST

छत्रपती संभाजीनगर जिल्ह्यातील पंचायत समितीचं चित्र स्पष्ट झालं आहे. संभाजीनगरमधील ९ पंचायत समितीत सर्वच ठिकाणी भाजप आणि शिंदे गटात तगडी फाईट दिसत आहे.

इम्पॅक्ट शॉटतुमचा गेटवे लेटेस्ट न्यूज

राज्यातील १२ जिल्हा परिषदा आणि १२५ पंचायत समितीच्या निवडणुकीची मतमोजणी पार पडत आहे. सकाळी दहा वाजल्यापासून मतमोजणीला सुरुवात झाली आहे. आता जळपास सर्वच जिल्हा परिषदेतील चित्र स्पष्ट झालं आहे. सर्वच ठिकाणी अपेक्षेप्रमाणे महायुतीला बहुमत मिळताना दिसत आहे. छत्रपती संभाजीनगरमध्ये देखील भाजप आणि शिंदे गटाचा दबदबा बघायला मिळत आहेत.

आतापर्यंत समोर आलेल्या आकडेवारीनुसार, संभाजीनगरमध्ये शिवसेना शिंदे गट आणि भाजपमध्ये टफ फाईट बघायला मिळत आहे. इथं भाजपला २२ आणि शिवसेना शिंदे गटाला १९ जागा मिळाल्या आहेत. तर ठाकरे गट ८, अजित पवार गट २, शरद पवार गट १ आणि काँग्रेस १ जागेवर आघाडीवर आहे. वंचित आणि एमआयएमला भोपळाही फोडता आला नाही. सात ठिकाणी अपक्षांनी बाजी मारली आहे. अद्याप तीन जागांवरील कल हाती येणं बाकी आहे.

छत्रपती संभाजीनगर जिल्ह्यातील पंचायत समितीत देखील असंच चित्र बघायला मिळत आहे. संभाजीनगरमधील ९ पंचायत समितीत सर्वच ठिकाणी भाजप आणि शिंदे गटात तगडी फाईट दिसत आहे. कुठे शिवसेना तर कुठे भाजपनं सत्ता राखली आहे. इथं ठाकरे गट, काँग्रेस, अजित पवार गट आणि शरद पवार गटाला समाधानकारक कामगिरी करता आली नाही.