Ganpati Visarjan 2025: गणेश विसर्जन करून परतणाऱ्या भक्तावर काळाचा घाला, एकाचा मृत्यू

घटनेनंतर परिसरात मोठी गर्दी जमली. पोलिसांनी तत्काळ घटनास्थळी धाव घेऊन मदतकार्य केले आणि अपघातग्रस्तांना रुग्णालयात हलवले. या घटनेमुळे गणेशोत्सवाच्या उत्साहात अचानक दुःखाचे सावट पसरले आहे. मृत आणि जखमी सर्वजण एकाच वसाहतीतील असल्याने स्थानिक नागरिकांनीही रुग्णालयात धाव घेतली. दरम्यान, भरधाव कारने धडक दिल्याचा प्राथमिक तपासातून उलगडा झाला असून संबंधित वाहनचालकाविरोधात गुन्हा दाखल करण्याची प्रक्रिया सुरू आहे. पोलिसांकडून अधिक तपास सुरू आहे.

या दुर्दैवी अपघातामुळे कापशी तलावावरून विसर्जन करून परतलेल्या गणेश भक्तांमध्ये हळहळ व्यक्त केली जात आहे. गणरायाच्या निरोपाचा आनंद साजरा करत असतानाच या अपघाताने अकोल्यातील जय बजरंग मंडळाच्या कार्यकर्त्यांसह परिसरातील नागरिकांवर दुःखाचा डोंगर कोसळला आहे.