तुळजाभवानी मंदिरात दारू ढोसून पुजाऱ्याचा गोंधळ, कार्यालयाची तोडफोड, दगड मारून दरवाजे फोडले

मंदिर संस्थान प्रशासनाकडून देऊळ कवायत कायद्यानुसार कारणे दाखवा नोटिस दिल्याने पुजाऱ्याने दारू पिऊन धिंगाणा केला. अनुप कदम असे गोंधळ घालणाऱ्या पुजाऱ्याचे नाव आहे. त्याच्यावर

पोलिसांनी गुन्हा दाखल केला आहे. सध्या तो फरार आहे.

याआधी त्याने मद्यपान करून तुळजाभवानी मंदिर संस्थान कार्यालय येथे तहसीलदार तथा व्यवस्थापक श्रीतुळजाभवानी संस्थान यांना अर्वाच्य भाषेत शिवीगाळ केली होती. अनुप कदम याने 13 एप्रिल 2025 रोजी मंदिराच्या व्हीआयपी गेटवर सुरक्षा रक्षकांसोबत धक्काबुक्की आणि शिवीगाळ करून जीवे मारण्याची धमकी देत जबरदस्तीने मंदिरात प्रवेश केल्याचा प्रकार घडलेला होता. वरिष्ठ अधिकाऱ्यांसोबत देखील त्याने वाद घातल्याचे प्रकार घडले आहेत.

या प्रकरणाची चौकशी सुरू असताना मंदिर बंदी का करण्यात येऊ नये, अशी नोटीस दिल्याने त्याने गोंधळ घातला. घटनेनंतर मंदिर संस्थानकडून तुळजापूर पोलिस स्टेशन येथे भारतीय न्याय संहिता, 2023 च्या कलम 221, 352, 324(4) नुसार गुन्हा करण्यात आला असून आरोपी फरार झाला आहे.