ठाणे जिल्ह्यात ATS ची छापेमारी, साकीब नाचनच्या गावात मध्यरात्रीपासून झडती, अनेक घरांमध्ये तपास पथकं
- Reported by:AJIT MANDHARE
- Written by:Ravindra Mane
Last Updated:
ATS Raid At Thane: दहशतवादी कृत्यांशी संबंधित आर्थिक व्यवहारांच्या संशयावरून ठाणे जिल्ह्यात सक्तवसुली संचालनालय (ED) आणि दहशतवाद विरोधी पथकाने (ATS) संयुक्तपणे मोठी कारवाई केली आहे.
अशोक मांढरे, प्रतिनिधी ठाणे: दहशतवादी कृत्यांशी संबंधित आर्थिक व्यवहारांच्या संशयावरून ठाणे जिल्ह्यात सक्तवसुली संचालनालय (ED) आणि दहशतवाद विरोधी पथकाने (ATS) संयुक्तपणे मोठी कारवाई केली आहे. ठाणे जिल्ह्यातील पडघा गावाला लागून असलेल्या बोरीवली या गावात बुधवारी रात्री उशिरा या मोठ्या धाडी टाकण्यात आल्या आहे. पडघा लगत असलेल्या बोरीवली गावातील अनेक घरांमध्ये तपास पथके दाखल झाली असून रात्रभर झडती घेतली जात आहे.
साकीब नाचनच्या अटकेनंतर कारवाईला वेग
काही दिवसांपूर्वी साकीब नाचन याला एटीएसने अटक केल्यानंतर या कारवाईला अधिक वेग आला आहे. साकीब नाचन हा भिवंडी जवळील बोरीवली गावचा रहिवासी होता. एटीएसने केलेल्या तपासानुसार, साकीब हा स्लिपर सेल बनवण्यात आणि तरुणांची माथी भडकवण्यात पटाईत होता.
‘अल शाम’ नावाचा स्वतंत्र देश
मिळालेल्या माहितीनुसार, साकीब नाचन याने बोरीवली हे गाव 'वेगळा देश' म्हणून घोषित केला होता. या गावाला त्याने ‘अल शाम’ असं नाव दिलं होतं. इतकेच नव्हे, तर या 'अल शाम'साठी साकीबने स्वतःची स्वतंत्र राज्यघटना आणि स्वतंत्र मंत्रीमंडळ देखील तयार केलं होतं.
advertisement
दहशतवादी कारवायांच्या आर्थिक स्त्रोतांचा शोध घेण्यासाठी ED या प्रकरणाचा सखोल तपास करत आहे, तर ATS दहशतवादी कृत्यांशी आणि स्लिपर सेल निर्मितीशी संबंधित माहिती मिळवण्याचा प्रयत्न करत आहे. या धाडीत अनेक महत्त्वाची कागदपत्रे आणि इलेक्ट्रॉनिक उपकरणे जप्त करण्यात आल्याची प्राथमिक माहिती आहे. या कारवाईमुळे ठाणे जिल्ह्यातील सुरक्षा यंत्रणा सतर्क झाल्या आहेत.
Location :
Thane,Maharashtra
First Published :
Dec 11, 2025 7:34 AM IST
मराठी बातम्या/महाराष्ट्र/
ठाणे जिल्ह्यात ATS ची छापेमारी, साकीब नाचनच्या गावात मध्यरात्रीपासून झडती, अनेक घरांमध्ये तपास पथकं
