Nanded: 'माझ्या बापाला अन् भावाला फाशी द्या', सक्षमच्या पार्थिवासोबत आंचलने केलं लग्न, ह्रदय पिळवटून टाकणारी घटना

25 वर्षीय सक्षम ताटे आणि 21 वर्षीय आंचल मामीडवर या दोघांचे प्रेमसंबंध होते. सक्षम ताटे आणि आँचलचा भाउ हिमेश मामीडवार दोघे मित्र होते. दोघांची गुन्हेगारीची पार्श्वभूमी आहे. दीड महिन्यापूर्वी समक्ष जामिनावर सुटून आला होता. सक्षम आणि आँचलच्या प्रेम संबंधाची माहिती आँचलचे वडील गणेश मामीडवार यांना लागली. सक्षम दुसऱ्या जातीतला असल्याने या प्रेमाला आँचलच्या वडील आणि भावांचा विरोध होता. याच कारणातून आँचलचे वडील गणेश मामीडवार आणि भाऊ हिमेश आणि साहिल सोबत अन्य दोघांनी गुरूवारी रात्री नांदेड शहरांतील जुना गंज भागात सक्षम ताटे या तरुणाची गोळ्या झाडून आणि दगडाने ठेचून हत्या केली.

शुक्रवारी सक्षमवर अंत्यसंस्कार करण्यात आले. त्यापूर्वी प्रेयसी आंचल मामीडवार हिने सक्षम सोबतच लग्न करणार असा निर्णय घेतला आणि त्याप्रमाणे आंचलने सक्षमच्या पार्थिवदेहाला हळद आणि कुंकू लावून लग्न केलं.  "आमच्या प्रेम संबंधाला विरोध असल्याने माझ्या वडिलांनी भावाने मारलं. पण, ते हरले आणि माझा प्रियकर मरून पण जिंकला. माझ्यावर कुणाचीही जोर जबरदस्ती नाही. मी माझ्या वडिलांना आणि भावाला जिंकू देणार नाही. मी सक्षमची आहे आणि शेवटपर्यंत सक्षमचीच बनून राहणार' असं म्हणत आँचलने टाहो फोडला. तसंच, प्रियकराच्या मृत्यूनंतरही मी त्याचीच राहणार असा, निर्धार तरुणीने केला.