IPL मधून एक कॉल अन् PSL चाच गेम केला... पाकिस्तानची ऑफर धुडकावून वेस्ट इंडिजचा स्टार निघाला!

मुंबई : झिम्बाब्वेचा फास्ट बॉलर ब्लेसिंग मुझरबानीनंतर आणखी एका खेळाडूने पाकिस्तान सुपर लीगला धक्का दिला आहे. मुझरबानी प्रमाणेच हा खेळाडूही पीएसएल सोडून आयपीएलमध्ये खेळण्यासाठी येणार आहे. आयपीएल ही जगातली सगळ्यात महागडी लीग आहे. परदेशी खेळाडूंना आयपीएलमध्ये खेळण्यात जास्त रस असतो, पण आयपीएलमध्ये संधी मिळत नाही तेव्हा हे खेळाडू पीएसएलमध्ये जाऊन खेळतात, पण आयपीएलमध्ये खेळण्याची संधी मिळत असेल तर हे खेळाडू पीएसएल सोबत केलेला करार मोडून आयपीएल खेळण्यासाठी येतात. वेस्ट इंडिजचा स्टार स्पिनर गुडाकेश मोतीदेखील याचंच अनुकरण करत आहे.