अहिल्यानगरमध्ये गँगवारचा भडका, गोळीबारात एकाचा मृत्यू, हॉस्पिटलमध्येही मारामारी

पोलिसांनी दिलेल्या माहितीनुसार, अहिल्यानगर जिल्ह्यातील घोडेगाव परिसरात ही घटना घडली. संध्याकाळच्या सुमारास ही घटना घडली. दोन गटांमध्ये झालेल्या गोळीबाराच्या घटनेत एकाचा मृत्यू झाला असून दोन जण गंभीर जखमी झाले आहेत. जखमींना तातडीने अहिल्यानगर येथील साईदीप हॉस्पिटलमध्ये उपचारासाठी दाखल करण्यात आलं आहे.  घोडेश्वरी हॉस्पिटल परिसरात नितीन शिरसाट आणि सुरज फुलमाळी यांच्यात वाद झाला. या वादातून गोळीबाराची घटना घडली. यात नितीन शिरसाट याचा मृत्यू झाला असून सुरज फुलमाळी जखमी झाला आहे. त्याच्यावर अहिल्यानगरमध्ये खाजगी रुग्णालयात उपचार सुरू आहेत तर नितीन शिरसाट याचा मृतदेह शासकीय रुग्णात पाठवण्यात आला आहे.

या प्रकरणात आणखी दोन संशयितांना ताब्यात घेण्यात आले असून पुढील तपास सुरू आहे. प्राथमिक तपासात गोळीबाराचे नेमकं कारण स्पष्ट झालं नसलं, तरी दोन्ही गटांतील जुना वाद यामागे असण्याची शक्यता पोलिसांनी व्यक्त केली आहे. नितीन शिरसाट हे आपल्या मुलीला घेऊन दवाखान्यात गेले असताना त्यांच्यावर हल्ला करण्यात आल्याचं समोर आलं आहे.