Hingoli News : हिंगोलीचा तरूण अभियंता इराणमध्ये बेपत्ता, 17 दिवसांपासून कुटुंबियांशी संपर्कच नाही...नेमकं काय घडलं?

Hingoli News : मनीष खरात, हिंगोली : हिंगोलीतून एक धक्कादायक घटना समोर आली आहे. या घटनेत हिंगोलीचा वसमत शहरातील तरूण अभियंता योगेश पांचाळ इराणमध्ये बेपत्ता झाल्याची घटना घडली आहे. खंर तर योगेश इराणला गेल्यापासून कुटुंबियांचा त्याच्याशी संपर्कच होऊ शकला नाही. तब्बल 17 दिवस कुटुंबियांच त्यांच्याशी बोलणं झालं नसल्याची माहिती आहे.खरं तर योगेश इराणला गेला मात्र त्याच्या परतीच्या प्रवासाच्या दिवशी तो विमानात बसला नव्हता.त्यात त्याचा कुटुंबियांशी संपर्कच होत नाही आहे. त्यामुळे कुटुंबिय चिंतेत आहे. या प्रकरणी आता नांदेड ग्रामीण पोलीस ठाण्यात बेपत्ता झाल्याची तक्रार नोंदवण्यात आली आहे. या घटनेचा अधिकचा तपास सूरू आहे.