Jalgaon: श्रीखंड-पुरी नाही, घरात वाहिला रक्ताचा पाट, गुढीपाडव्याच्या दिवशी पतीने घरच्या 'लक्ष्मी'ला संपवलं!

नितीन विजय सोनवणे हा आरोपी  मयत महिला दिपाली सोनवणे आणि आपली दोन मुलं व एक मुलगी यांच्यासोबत निमखेडी गावात राहत होता. हातमजुरी करून उदरनिर्वाह करणाऱ्या नितीन सोनवणे यांचे पत्नीशी काही दिवसांपासून कौटुंबिक वाद सुरू होते. आज दुपारी पुन्हा वाद उफाळून आला. दोघांमध्ये कडाक्याचं भांडण झालं. दोघांमध्ये झटापट झाली,  संतापाच्या भरात नितीनने  लोखंडी विळ्याने पत्नी दिपालीच्या मानेवर आणि पोटावर वार करून तिची हत्या केली. ऐन गुढीपाडव्याच्या दिवशी घरात पत्नीचा खून केला. घरात सर्वत्र रक्त माखलं होतं.