30 लाखाचं कर्ज, 25 लाखाची सुपारी, जालन्यातील व्यावसायिकाच्या मृत्यूचं गूढ उकललं, मित्रानेच दिला दगा

जालना जिल्ह्याच्या अंबड चौफुली जवळ रविवारी पहाटे कारमध्ये सागर श्रीराम धानुरे (३०) नावाच्या तरुणाचा मृतदेह आढळला होता. त्याने डोक्यात गोळी घालून आत्महत्या केली असावी, असा संशय व्यक्त करण्यात आला होता. पण ही आत्महत्या नसून हत्या असल्याचं समोर आलं आहे. अवघ्या २४ तासांत पोलिसांनी मृत्यूचं गूढ उलगडलं आहे.२५ लाख रुपयांची सुपारी देऊन थंड डोक्याने हा खून केल्याचं स्थानिक गुन्हे शाखेच्या तपासात समोर आलं आहे. ही हत्या दुसरी तिसरी कुणी नव्हे तर त्याच्याच मित्राने केल्याचं उघड झालं आहे.