जालना महापालिका निवडणुकीसाठी भाजपकडून ३ मुस्लिमांना संधी, ६५ उमेदवारांची संपूर्ण यादी

जालना महापालिका निवडणुकीसाठी १६ प्रभागात ६५ जागांसाठी मतदान संपन्न होणार आहे. भाजप आणि शिवसेनेने अखेरपर्यंत युतीसाठी चर्चा केली. परंतु भाजप आमदार कैलास गोरंट्याल आणि अर्जुन खोतकर यांच्यातील राजकीय मतभेद पाहता युतीसाठी अनेक जोरबैठका काढाव्या लागतील, हे स्पष्ट होते. अखेपर्यंत चर्चेचे गुऱ्हाळ सुरू होते. मात्र तरीही तोडगा न निघाल्याने स्वबळावर लढण्याचे माजी मंत्री बबनराव लोणीकर यांनी जाहीर केले.

भाजप आणि शिवसेनेची युती तुटल्याची घोषणा भाजप नेते आणि माजी मंत्री बबनराव लोणीकर यांनी केली. आता हे दोन्ही पक्ष आमने-सामने लढणार आहेत.