Jalna: जालन्यात वाळू माफियांचं थैमान,तहसीलदाराच्या अंगावर घातला ट्रक्टर; अंबड येथील भयंकर घटना

जालना: वाळू माफियांचा हैदोस किंवा वाळू माफियांकडून सातत्याने वाळू उपसा करताना गुंडगिरी व दहशत माजवली जाते. अनेकदा महसूल अधिकारी व कर्मचाऱ्यांवर देखील वाळू माफियांकडून हल्ला, मारहाण करण्यात आल्याच्या घटना घडल्या आहेत. वाळू हा विषय पोलीस खात्यापेक्षा महसूल खात्याच्या अधिपत्याखाली येतो. त्यामुळे, वाळू माफियांवर कारवाई करण्यासाठी गेलेल्या महसूल अधिकाऱ्यांना बहुतांशवेळा जीव मुठीत धरुन कारवाई करावी लागते. नुकतेच जालन्यात वाळू माफियांनी तहसीलदारांच्या अंगावर ट्रॅक्टर घालण्याचा प्रयत्न केल्याची धक्कादायक घटना समोर आली आहे. अंबडचे तहसीलदार विजय चव्हाण यांच्या फिर्यादीवरुन वाळू माफियांविरुद्ध पोलिसात तक्रार दाखल करण्यात आली आहे.