2026 Prediction : बापरे! इतकं भयानक आहे 2026 वर्ष ? काय काय घडणार हे वाचूनच घाम फुटेल

31 डिसेंबर 2025 वर्षाचा शेवटचा दिवस. सगळे जण जुन्या वर्षाला निरोप देऊन 2026 या नवीन वर्षाचं स्वागत करण्याच्या तयारीत आहे. यादरम्यान जग पुन्हा एकदा नॉस्ट्राडेमसच्या भविष्यवाण्यांनी हादरलं आहे. 2026 वर्षाबाबत भयानक भविष्यवाणी समोर आली आहे. 2026 वर्षात एक दोन नाही तर 4-4 संकटांचं भाकीत करण्यात आलं आहे.

पहिलं भयानक भाकित म्हणजे सात महिने मोठे युद्ध. हे रशिया-युक्रेन युद्धाशी जोडलं जात आहे. काही जण याला तिसऱ्या महायुद्धाचं लक्षण मानतात, जिथं दोन नेते 7 महिने लढत राहतील. रुएन आणि एव्हरेक्स या फ्रेंच शहरांचा उल्लेख केला आहे, जो युरोपमधील युद्धाचे संकेत देऊ शकतो.

दुसरी भविष्यवाणी रात्रीच्या वेळी मधमाश्यांचा मोठा थवा हल्ला करेल. मधमाशी राजा किंवा साम्राज्याचे प्रतीक आहे. त्यामुळे काही जण याला ड्रोन किंवा लष्करी हल्ल्यांशी जोडतात, तर काही जण ते शक्तिशाली नेत्यांचे प्रतीक म्हणून पाहतात जे रात्री लपून विजय मिळवतील.

तिसरी भविष्यवाणी एका महान व्यक्तीवर दिवसा वीज पडले. हा राजा, जागतिक नेता किंवा सेलिब्रिटी असू शकतो. लोक याला एखाद्या प्रसिद्ध व्यक्तीच्या अचानक मृत्यूशी जोडत आहेत. कदाचित एखादा घोटाळा, हृदयविकाराचा झटका किंवा प्रत्यक्ष वीज कोसळणं.

चौथी भविष्यवाणी म्हणजे स्वित्झर्लंडमधील दक्षिणी कँटन टिसिनो इथं रक्ताचा पूर येईल. हे युद्ध, प्लेग किंवा नैसर्गिक आपत्तीशी जोडलं जात आहे. टिचिनो इटलीच्या सीमेवर असल्याने युरोपीय संघर्ष देखील होऊ शकतो.

सोळाव्या शतकातील फ्रेंच ज्योतिषी मिशेल डी नास्त्रेदामस यांनी लिहिलेल्या द प्रोफेसीज मध्ये 942 कोडेड क्वाट्रेन आहेत जे शतकानुशतके घडलेल्या घटनांशी जोडलेले आहेत. अनेकांचा असा विश्वास आहे की सेंच्युरी 26 वा क्वाट्रेन 2026 कडे निर्देश करतो, कारण वर्षात 26 अंक आहे. नास्त्रेदामसची भाषा मध्य फ्रेंच आणि लॅटिनचं मिश्रण आहे, म्हणून त्याचा अर्थ वादग्रस्त आहे. हे सर्व 26 शी संबंधित आहेत, पण नास्त्रेदामसने वर्ष स्पष्टपणे लिहिलं नाही.

सूचना : हा लेख सोशल मीडियावर व्हायरल दाव्यावर आधारित आहे. न्यूज18मराठी याची पुष्टी करत नाही किंवा याचं समर्थनही करत नाही. (सर्व फोटो : प्रतीकात्मक)