Government Schemes: लाडक्या बहिणींना मिळणार खास गिफ्ट, वाटप सुरू, तुमच्यापर्यंत पोहोचलं का?

जालना: राज्य सरकार लाडक्या बहिणींना आता पैशांसोबतच साडी देखील भेट देणार आहे. राज्यात या योजनेतून साडी वाटप सुरू झालं आहे. जालना जिल्ह्यातील अंत्योदय योजनेत नाव असणाऱ्या तब्बल 43 हजार 318 महिला लाभार्थिंना मोफत साडी मिळणार आहे. राज्य सरकारने पुढील पाच वर्षांसाठी अंत्योदय योजनेअंतर्गत महिलांना दरवर्षी एक साडी देण्याचा निर्णय जाहीर केला होता. परंतु, विधानसभा निवडणुकीच्या धामधूमीमुळे साडीवाटप रखडलं होतं. आता मात्र साडी वाटप सुरू झालं असून 25 हजार महिलांना साड्या मिळाल्या आहेत.