Manoj Jarange Patil : एक पाऊल मागे का घेतलं? जरांगेंनी सांगितलं मुंबईऐवजी अंतरवालीला जाण्याचं कारण

रवी जैस्वाल, जालना : सगेसोयरे अधिसूचनेची अंमलबजावणी करावी अशी मागणी करत जरांगे पाटील (Manoj Jarange Patil) १० फेब्रुवारीपासून उपोषणाला बसले आहेत. त्यानंतर अजय बारस्कर या त्यांच्या जुन्या सहकाऱ्याने जरांगेंवर गंभीर आरोप केले. यामागे फडणवीस असल्याचा आरोप करत जरांगे रविवारी आक्रमक झाले. मराठा समाजासोबत सुरू असलेल्या बैठकीतून ते थेट मुंबईच्या दिशेने निघाले. रात्री ते भांबोरी गावात मुक्कामाला होते. दरम्यान, अंबड तालुक्यात संचारबंदी लागू करण्यात आली.  या सर्व घडामोडीत जरांगे पाटील यांनी आज मुंबईला न जाता अंतरवाली सराटीला परत जाण्याचा निर्णय घेतला. अंतरवाली सराटीत ते दाखल झाले आहेत. आपण अंतरवालीला जाण्याचा निर्णय का घेतला? हेसुद्धा जरांगे पाटील यांनी सांगितलं आहे.