Maratha Reservation : मराठा आंदोलनावेळी दगडफेक प्रकरणी जालन्यात चौघांना अटक

याबाबत मिळालेली माहिती अशी की, अंतरवाली सराटीत मराठा आंदोलनादरम्यान झालेल्या दगडफेक प्रकरणी चार जणांना पोलिसांनी अटक केलीये.. ऋषिकेश बेदरे, शनिदेव शिरसट,कैलास सुखसे यांच्यासह निलेश बळीराम राठोड अशी अटक करण्यात आलेल्या आरोपींची नावं आहे.. दगडफेक प्रकरणी गोंदी पोलिसात गुन्हा दाखल करण्यात आला होता. त्याअनुषंगाने तपास करत असताना गोंदी पोलीस ठाण्याच्या हद्दीत ऋषिकेश बेदरेंसह तीन जण पोलिसांना मिळून आले.

कायदा व सुव्यवस्थेचा प्रश्न निर्माण होऊ नये म्हणून पोलिसांनी आरोपींना अंबड येथील पोलीस ठाण्यात आणून चौकशी केली असता ऋषिकेश बेदरे यांच्याजवळ एक गावठी पिस्तुल आणि जिवंत काडतुसं सापडलीयेत.. दरम्यान पोलिसांनी या चारही जणांना अटक केली असून पुढील कारवाई सुरु आहे..