Panvel News: महापालिकेने दिलेल्या नाश्त्यात सापडल्या अळ्या! ठेकेदाराने दिलं अजब स्पष्टीकरण

मुंबई : कोणत्याही सरकारी कामाचा दर्जा निकृष्टच असतो, असं अनेक नागरिकांचं मत आहे. पनवेलमध्ये या मताला बळकटी देणारी घटना घडली आहे. ऑगस्ट महिन्याच्या मध्यात झालेल्या अतिवृष्टीमुळे पनवेल महानगरपालिकेने 19 ऑगस्ट रोजी नवीन पनवेल येथे काही नागरिकांना स्थलांतरित केलं होतं. त्याच ठिकाणी त्यांची राहण्याची आणि खाण्याची सोय केली होती. या स्थलांतरित नागरिकांना दिलेल्या नाश्त्यात अळ्या सापडल्याचा धक्कादायक प्रकार घडला होता. याबाबत जेवणाचं कंत्राट असलेल्या ठेकेदाराने अजब स्पष्टीकरण दिलं आहे.