'देवमाणूस'मध्ये नवा व्हिलन? आर्याचा मृतदेह फ्रिजमध्ये, लाली-गोपाळ दोघांनाही माहिती नव्हतं, मग ती तिसरी व्यक्ती कोण?

आता नव्या प्रोमोमध्ये आर्याची डेडबॉडी पोलीस जामकरच्याच घरात फ्रिजमध्ये सापडल्याचं दाखवण्यात आलं आहे. गोपाळ जेव्हा प्रेग्नन्सीचे रिपोर्ट शोधण्यासाठी जामकरच्या घरात शिरतो, तेव्हा तिथे आर्याची डेडबॉडी फ्रिजमध्ये पाहून त्याचे धाबे दणाणतात. गोपाळ ती डेडबॉडी तिथून हलवण्याचा प्रयत्न करतोय, जेणेकरून तो या प्रकरणात अडकणार नाही. पण त्याच वेळी जामकर घरी पोहोचतो. फ्रीजमधून काढलेल्या आर्याच्या मृतदेहावरून पाणी टपकायला सुरुवात होते.

आता जामकरला आपल्याच घरात आपल्या बहिणीचा मृतदेह सापडणार का? लालीने आर्याचा खून केला, गोपाळने डेडबॉडी उचलली, जामकरला सत्य समजणार का? खूनाच्या जागी आणि डेडबॉडी सोबत सापडल्यामुळे गोपाळच मुख्य आरोपी ठरेल का? आणि ती पुन्हा चोरून जामकरच्या फ्रीजमध्ये ठेवणारी ती तिसरी व्यक्ती किंवा तिसरा व्हिलन कोण?  हा प्रश्न प्रेक्षकांना अस्वस्थ करत आहे.