BBM 6 : अनुश्रीला 'भाऊचा धक्का'! प्राजक्तावर दादागिरी महागात; रितेश भाऊने दिला दणका

प्राजक्ता आणि अनुश्री एकमेकींवर कडक शब्दात टीका करताना दिसले, अनुश्रीचे म्हणणं आहे, "आम्ही ड्युटी नाही करणार," अशा भूमिकेपासून सुरू झाले हा वाद. त्यावर प्राजक्ता म्हणाली, काय 'मूर्ख आहे यार... आणि त्यावर अनुश्री म्हणाली, 'हो मूर्ख आहे आम्ही, तुझ्यासारखे'.

गार्डन एरियामध्ये झालेल्या भांडणांनंतर प्राजक्ताने हे सगळं दिपालीला जाऊन सांगितलं. अनुश्रीने शिव्या दिल्या असं ती सांगते. यानंतर दिपाली प्राजक्ताला याचा जाब विचारायला येते, काय गं तू शिव्या देतेस? त्यावर अनुश्री म्हणाली, आईला घेऊन आलीस तू ? प्राजक्ता म्हणाली, अक्कल आहे का तुला? बावळट...

इतकंच नाही तर, वादाच्या ओघात काही अश्या गोष्टी बोलल्या गेल्या ज्यमुळे घरातील वातावरण अधिकच तापलं आहे. इतकं की रितेश भाऊही भडकले. रितेश भाऊंनी तिला चांगलंच झापलं आहे.

रितेश म्हणाला, अनुश्री मला सांगा जेव्हा प्राजक्ता दिपालीला घेऊन आल्या तेव्हा तुम्ही काय म्हणालात आईला घेऊन आलीस, जा आता बाबाला घेऊन ये. ए लक्ष इथं! भावाला आणलंय. सांगा आता काय सांगणार"

'हे बिग बॉसचं घर आहे, मस्तीत नाही शिस्तीत राहायचं', अशी तंबीच रितेशने अनुश्रीला दिली आहे. 24 जानेवारीच्या भाऊचा धक्काच्या प्रोमोमध्ये रितेश अनुश्रीला दणका देताना दिसला आहे.

याआधी अनुश्रीचं राकेश बापटबरोबर देखील भांडण झालं. राकेशने मला न विचारता हात लावला यावरून तिने घरात धिंगाणा घातला. अनुश्रीने थेट राकेशच्या कॅरेक्टरवर डाऊट घेतला. त्यानंतर घरातील सगळे अनुश्रीच्या विरोधात गेले आहेत आणि आता अनुश्रीने प्राजक्ताला शिव्या दिल्यानंतर सोशल मीडियावर वातावरण चांगलंच तापलं आहे.

नेटकऱ्यांनी अनुश्रीला घरातून बाहेर काढण्याची मागणी केली आहे. एका युझरनं लिहिलंय, "हाकला रे हिला घरा बाहेर". दुसऱ्याने लिहिलंय, "अनुश्री माने कुठे ही छपली माने कुठे." तिसऱ्याने लिहिलंय, "या आठवड्यात अनुश्रीला पाहताना असं वाटतंय की तिचा अहंकार खूपच वाढलाय. बोलण्याची भाषा तर एकदमच विचित्र आणि खालच्या पातळीची झाली आहे." आणखी एकाने लिहिलंय, "अनुश्री माने या आठवड्यात बाहेर जाणार."