Latur ZP Election Results : मराठवाड्यात सगळ्यात मोठा उलटफेर, राज ठाकरेंच्या शिलेदारांनी फोडला भाजपचा बालेकिल्ला!

लातूर : लातूर जिल्हा परिषद आणि पंचायत समितीच्या निवडणुकीमध्ये राज ठाकरेंच्या महाराष्ट्र नवनिर्माण सेनेने अनेकांना आश्चर्याचा धक्का दिला आहे. लातूर जिल्हा परिषद आणि पंचायत समितीच्या निवडणुकीमध्ये मनसेचे तीन उमेदवार विजयी झाले आहेत. रेणापूर तालुक्यातील पानगाव गटातून महाराष्ट्र नवनिर्माण सेनेचे डॉक्टर सुनील नागरगोजे यांचा विजय झाला आहे. तर पंचायत समितीच्या गणातून मनसेच्या मोनिका रवी सूर्यवंशी आणि श्रीदेवी गालफाडे यांना विजय मिळाला आहे.

लातूर जिल्हा परिषदेच्या निवडणुकीमध्ये काँग्रेस आणि भाजप यांच्यामध्ये थेट लढत होत आहे, पण अनपेक्षितपणे मनसेचे उमेदवार निवडून आले आहेत. लातूर जिल्हा परिषदेमध्ये काँग्रेसकडून अमित देशमुख तर भाजपकडून संभाजीराव निलंगेकर पाटील आणि अभिमन्यू पवार यांची प्रतिष्ठा पणाला लागली आहे. 2017 साली झालेल्या लातूर जिल्हा परिषद निवडणुकीमध्ये भाजपने 36 जागा जिंकून एकहाती सत्ता मिळवली होती.

लातूर जिल्हा परिषदेचे आतापर्यंतचे निकाल

लातूर तालुक्यातील महाराणा प्रताप नगर जिल्हा परिषद गटातून काँग्रेसचे महादेव मस्के विजयी

लातूर तालुक्यातील भातांगळी जिल्हा परिषद गटातून भाजपचे पांडुरंग बालवाड विजयी.

लातूर : रेणापूर तालुक्यातील पानगाव गटातून महाराष्ट्र नवनिर्माण सेनेचे डॉक्टर सुनील नागरगोजे विजयी तर पंचायत समितीच्या गणातून मनसेच्या मोनिका रवी सूर्यवंशी आणि श्रीदेवी गालफाडे विजयी

लातूर जिल्ह्याच्या अहमदपूर तालुक्यातील खंडाळी गटातून राष्ट्रवादी काँग्रेस शरद पवार गटाच्या शितल खोमणे विजयी

लातूर : जळकोट तालुक्यातील वांजरवाडा जिल्हा परिषद गटातून अपक्ष उमेदवार धर्मपाल देवशेट्टे...

लातूर : लातूर तालुक्यातील आर्वी गटातून काँग्रेसच्या राजश्री देशमुख विजयी... तर दोन्ही पंचायत समिती काँग्रेसच्या ताब्यात...