Krushi Market Rate Today: सोयाबीनला सर्वाधिक भाव, कांदा उत्पादकांची आजही कोंडी, किती मिळाला भाव?

मक्याचे भाव कोसळले: राज्याच्या कृषीमार्केट मध्ये आज एकूण 261 क्विंटल मक्याची आवक झाली. यापैकी पुणे मार्केटमध्ये 5 क्विंटल मक्याची आवक झाली. त्यास 2400 रुपये प्रतिक्विंटल प्रमाणे सर्वसाधारण बाजार भाव मिळाला. तसेच छत्रपती संभाजीनगर मार्केटमध्ये आवक झालेल्या 256 क्विंटल मक्यास 1300 ते 1500 रुपये दरम्यान बाजारभाव मिळाला.

कांद्यांची आवक: राज्याच्या मार्केटमध्ये 57 हजार 315 क्विंटल कांद्याची एकूण आवक झाली. यापैकी 17 हजार 991 क्विंटल सर्वाधिक आवक पुणे बाजारात झाली. त्यास प्रतीनुसार कमीत कमी 600 ते जास्तीत जास्त 1475 रुपयांपर्यंत बाजार भाव मिळाला. तसेच सातारा मार्केटमध्ये आवक झालेल्या 414 क्विंटल कांद्यास प्रतीनुसार 1500 रुपयांपर्यंत बाजार भाव मिळाला.

सोयाबीन आवक: राज्याच्या मार्केटमध्ये 210 क्विंटल सोयाबीनची एकूण आवक झाली. यापैकी चंद्रपूर मार्केटमध्ये सर्वाधिक 143 क्विंटल आवक राहिली. त्यास प्रतीनुसार 1400 ते 3800 रुपये प्रतिक्विंटल बाजार भाव मिळाला. तसेच छत्रपती संभाजीनगर मार्केटमध्ये 43 क्विंटल सोयाबीनची आवक होऊन त्यास 4100 रुपये प्रतिक्विंटल सर्वाधिक बाजारभाव मिळाला.