१२ ठिकाणी निवडणूक पण फक्त या 3 ठिकाणी एकहाती सत्ता, मतदारांनी सगळ्यांचा करेक्ट कार्यक्रम केला!

मुंबई : राज्यातील १२ ठिकाणी संपन्न झालेल्या जिल्हा परिषद निवडणूक निकालात मतदारांनी केवळ तीन ठिकाणी राजकीय पक्षांना एकहाती सत्ता दिली. इतर ९ ठिकाणी कोणत्याच एका पक्षाला मतदारांनी 'ताकद' दिली नाही. भारतीय जनता पक्षाने जरी राज्यातील जिल्हा परिषदेच्या सर्वाधिक जागा जिंकल्या असल्या तरी केवळ सोलापुरात जिल्हा परिषदेवर आपला झेंडा फडकविण्यात त्यांना यश आले. इतर ठिकाणच्या कोणत्याही जिल्हा परिषदेत भारतीय जनता पक्षाला स्वबळावर सत्ता मिळू शकली नाही. इतर पक्षांचीही अशीच कामगिरी राहिली आहे. त्यामुळे मतदारांनी सगळ्यांचा व्यवस्थित कार्यक्रम केल्याची चर्चा यानिमित्ताने राजकीय वर्तुळात रंगली.