Devendra Fadnavis Ajit Pawar : अजितदादांना भाजप देणार धक्का! अर्थ खात्याचा भार जाणार, कोणाच्या हाती तिजोरीच्या चाव्या?

तुषार रुपणवार, प्रतिनिधी, मुंबई : राज्यातील महायुती सरकारचा सत्ता वाटपाचा तिढा सोडवण्यासाठी मुख्यमंत्री देवेंद्र फडणवीस आणि उपमुख्यमंत्री अजित पवार दिल्लीत दाखल झाले आहेत. रात्री उशिरा दिल्लीत मुख्यमंत्री देवेंद्र फडणवीस, केंद्रीय गृहमंत्री अमित शाह आणि भाजपचे राष्ट्रीय अध्यक्ष जे. पी. नड्डा यांच्यात बैठक पार पडली. या बैठकीत मंत्रिमंडळाचा फॉर्म्युला ठरला असून खाते वाटपावर अंतिम शिक्कामोर्तब झाल्याचे वृत्त आहे. सूत्रांच्या माहितीनुसार, मंत्रिमंडळात भाजपचा वरचष्मा असणार आहे. महायुतीतील इतर घटक पक्षांकडे सरकारमधील अतिशय महत्त्वाची खाती नसणार, अशी माहिती सूत्रांनी दिली आहे.