रत्नागिरी ZP-PS निकाल 2026 LIVE | शिंदे सेना विरुद्ध ठाकरे सेनेत तगडी लढत, कोण मारणार बाजी?

रत्नागिरीमध्ये शिंदे सेना ८ जागांवर आघाडीवर आहे, तर कॉंग्रेस, शिवसेना यांना अजून एकाही जागेवर आघाडी घेता आली नाही.

दीर्घ कालावधीनंतर होणाऱ्या जिल्हा परिषद निवडणुकीसाठी सर्वच राजकीय पक्षांनी जोरदार तयारी केली होती. ग्रामीण भागात प्रचाराच्या फेऱ्या, सभा, बैठकांचा सपाटा लागला होता. प्रत्येक पक्षाने आपली संघटनात्मक ताकद पणाला लावत मतदारांपर्यंत पोहोचण्याचा प्रयत्न केला.

जरी निवडणूक महायुती आणि महाविकास आघाडी यांच्यात होत असल्याचे चित्र दिसत असले, तरी प्रत्यक्षात जिल्ह्यातील खरी लढत दोन शिवसेनांमध्येच रंगली. धनुष्यबाण आणि मशाल या चिन्हांभोवतीच संपूर्ण प्रचार फिरताना दिसला. अनेक गटांमध्ये शिंदे गट आणि ठाकरे गट आमनेसामने आल्याने मतदारांमध्येही उत्सुकता वाढली होती.

या निवडणुकीत उद्योगमंत्री उदय सामंत आणि राजापूरचे आमदार किरण सामंत यांची राजकीय प्रतिष्ठा पणाला लागली होती. रत्नागिरी जिल्ह्यावर आपले वर्चस्व कायम ठेवण्यासाठी सामंत बंधूंनी विशेष लक्ष घातल्याचे पाहायला मिळाले. त्यामुळे निकालांकडे संपूर्ण राज्याचे लक्ष लागले होते.

रत्नागिरी जिल्हा परिषदेसाठी एकूण ५६ जागा असून, त्यासाठी २२९ उमेदवार रिंगणात होते. पंचायत समितीच्या ११२ जागांसाठी तब्बल ४३४ उमेदवारांनी नशीब आजमावले. पाली-नाणीज पंचायत समिती गणातून डॉ. पद्मजा कांबळे (शिंदे गट शिवसेना) यांची बिनविरोध निवड झाली.

रत्नागिरी-सिंधुदुर्ग लोकसभा मतदारसंघाचे खासदार नारायण राणे (भाजप) हे जिल्ह्यातील प्रमुख राजकीय नेतृत्व मानले जाते. आमदारांमध्ये उदय सामंत, योगेश कदम, शेखर निकम, किरण सामंत आणि भास्कर जाधव यांचा प्रभाव विविध भागांत दिसून आला.

गुणाजी गावणूक – शिवसेना (उद्धव बाळासाहेब ठाकरे)

नेहा युवराज जाधव – राष्ट्रवादी काँग्रेस पार्टी (अजित पवार)

शितल प्रमोद जाधव – राष्ट्रवादी काँग्रेस पार्टी (अजित पवार गट)

किशोर भालचंद्र देसाई – शिवसेना

सलीम अब्दुल कादिर खोत – भारतीय राष्ट्रीय काँग्रेस

स्मिता उदय जावकर – भारतीय जनता पार्टी

अधिसूचना: 16 जानेवारी 2026