16 व्या वर्षी घर सोडलं, दोन वेळा स्मृतीभ्रंश, एका अपघाताने सगळं जुनं आठवलं, 32 वर्षांनी युरोपातून पुन्हा बीडला परतले

अत्यंत हुशार आणि होतकरू मुलगा पण एका हट्टापायी त्याने आपलं घर सोडलं. घरापासून शाळा लांब होती, त्यामुळे रोज पायपीट करावी लागायची. त्याने वडिलांकडे सायकलचा हट्ट केला. मात्र वडिलांची परिस्थिती अत्यंत हालाकीची होती. जेमतेम घर चालत होतं अशावेळी त्यांनी आपल्या मुलाला समजावलं. मात्र प्रकाश हट्टाला पेटले. ही घटना आहे १९९० रोजीची. त्यावेळी ते दहावीत होते. त्यांनी वडिलांकडे सायकल मागितली, पण गरिबीमुळे ती मिळाली नाही. त्याच रागात आणि रुसवा मनात ठेवून घर सोडलं आणि मग मागे वळून पाहिलं नाही. हॉटेलमध्ये कपबश्या विसळण्यापासून ते स्वतःचं शिक्षण पूर्ण करण्यापर्यंतचा त्यांचा लढा सुरू असतानाच नियतीने घाला घातला.