ना अपघाताची भीती, ना ट्रॅफिक जामचं टेन्शन, पुणे ते कोकण सुसाट, ताम्हिणी घाटात होतोय गेमचेंजर प्लॅन

रायगड जिल्ह्यातील दिघी पोर्टकडे जाण्यासाठी पुणे – चांदणी चौक – पौड – ताम्हिणी – माणगाव – दिघी असा मार्ग वापरला जातो. पुणे ते दिघी पोर्ट या मार्गाला केंद्र सरकारने राष्ट्रीय महामार्गाचा दर्जा दिला आहे. मात्र ताम्हिणी घाटात मोठी चढ-उतार आणि अनेक वळणे असल्यामुळे प्रवासाला अधिक वेळ लागतो. विशेषतः जड वाहनांसाठी हा मार्ग काहीसा कठीण ठरतो.

ताम्हिणी घाटातील अडचणी लक्षात घेता दोन पर्याय समोर आले आहेत. पहिला पर्याय म्हणजे ताम्हिणी घाट टाळून पानशेतमार्गे माणगाव–दिघी पोर्ट असा नवीन रस्ता तयार करणे. तर दुसरा पर्याय म्हणजे सध्याचा घाटरस्ता रुंद करणे, धोकादायक वळणे कमी करणे आणि डोंगरवाडी ते ताम्हिणी दरम्यान बोगदा उभारणे.