दलित मुस्लिमांच्या साथीने मराठ्यांचा एल्गार, आणखी काही जातींना सोबत घेऊ, 'त्यांचा' सुपडासाफ करणारच, जरांगे कडाडले

मुंबई : गरजवंतांचा लढा असे सांगत सुरू केलेल्या आरक्षणाच्या चळवळीने राजकीय वर्तुळात उतरून सत्तेची सगळी समीकरणे बदलण्याचा चंग बांधला आहे. यासाठी कधी नव्हे ते मराठा दलित आणि मुस्लीम मतांची मोट बांधण्याचे लक्ष्य नेते मनोज जरांगे पाटील यांनी ठेवले आहे. तसेच मागास प्रवर्गातील विविध जाती, बंजारा आणि लिंगायत समाजालाही सोबत घेऊन वंचितांना सत्तेच्या खुर्चीपर्यंत घेण्याचा मानस जरांगे यांनी बोलून दाखवला आहे. आम्ही आखलेली गणिते यशस्वी झाली तर सत्ताधाऱ्यांना खुर्चीवरून खेचू, असा एल्गार मनोज जरांगे पाटील यांनी केला आहे.