हौसेनं Swift घेतली अन् दर्शनाला जात होते, पण नियतीचा क्रुर खेळ; एकाच घरातले 6 जण जागेवरच गेली, VIDEO

दुपारी चव्हाण कुटुंबीय मारुती सुझुकी स्विफ्टने गणपती दर्शनासाठी खंडाळ्याकडे निघालं. पण, श्रीरामपूर तालुक्यातील खंडाळा गावाजवळ पोहोचले असताना समोरून येणाऱ्या मालवाहू ट्रक आणि  कारची धडक झाली. हा अपघात इतका भीषण होता की, मारुती सुझुकी कारच्या समोरील भागाचा चक्काचूर झाला. कारचं इंजिन फुटलं आणि कार रस्त्याच्या खाली फेकली गेली. अपघातात कारचा फक्त मागील भागच शिल्लक राहिला होता.

धक्कादायक म्हणजे, मारुती सुझुकी स्विफ्टमध्ये क्षमतेपेक्षा जास्त जण बसले होते. या कारमध्ये एकूण ७ जण प्रवास करत होते. यामध्ये प्रशांत रमेश चव्हाण (वय 24), संगीता अनिल चव्हाण (वय 40), सिद्धार्थ सुनील चव्हाण (वय 16), सारिका अनिल चव्हाण (वय 30), ऋत्वी अशोक चव्हाण (वय 3) आणि ऐश्वर्या अशोक चव्हाण (वय 26) अशी मृतांची नाव आहे. घटनेची माहिती मिळताच पोलिसांनी घटनास्थळी धाव घेतली. जखमींनाा तातडीने रुग्णालयात दाखल करण्यात आलं होतं. पण या अपघातात सहा वर्षांचा मुलगा गंभीर जखमी असून त्याच्यावर लोणी येथे उपचार सुरू आहे.

प्रशांत रमेश चव्हाण (वय 24)