T20 World Cup : सलमान आघाच्या पत्नीसोबत घृणास्पद कृत्य, पाकिस्तानला सहन झाला नाही इंग्लंडविरुद्धचा पराभव

इंग्लंडविरुद्धच्या सामन्यात पाकिस्तानचा 2 विकेटने पराभव झाला, शेवटच्या ओव्हरमध्ये पाकिस्तानने सामना गमावला, त्यामुळे पाकिस्तानचं सेमी फायनलला पोहोचणं कठीण झालं, त्यामुळे हा पराभव पाकिस्तानी चाहत्यांना सहन झाला नाही आणि त्यांनी सलमान आघाच्या पत्नीला तिच्या सोशल मीडिया अकाऊंटच्या मेसेजमध्ये जाऊन शिवीगाळ केली.

सोशल मीडियावरून होत असलेल्या शिवीगाळीला सलमान आघाच्या पत्नीने प्रत्युत्तर दिलं आहे. सलमान आघाच्या पत्नीने इन्स्टाग्रामवर एक पोस्ट केली आहे. 'मला आणि माझ्या मुलाला शिवीगाळ करून पाकिस्तान वर्ल्ड कप जिंकणार आहे का?' असा प्रश्न सलमान आघाच्या पत्नीने विचारला आहे.

इंग्लंडकडून पराभव झाल्यानंतर पाकिस्तानचा सेमीफायनलपर्यंतचा मार्ग कठीण झाला आहे. पाकिस्तान सुपर 8 च्या ग्रुप बी मध्ये आहे. इंग्लंडविरुद्धच्या पराभवानंतर पाकिस्तानची परिस्थिती बिकट झाली आहे. पाकिस्तान सेमीफायनलच्या रेसमधून बाहेर पडलेली नाही, पण त्यांच्या शक्यता कमी झाल्या आहेत. पाकिस्तानला आता श्रीलंकेविरुद्धचा शेवटचा सुपर 8 सामना चांगल्या फरकाने जिंकावा लागेल, पण न्यूझीलंडच्या कामगिरीवरही लक्ष ठेवावे लागेल. न्यूझीलंडने त्यांचे उरलेले दोन्ही सामने जिंकले तर मात्र पाकिस्तानचं आव्हान सुपर-8 मध्येच संपुष्टात येईल.