Amravati Accident: मेळघाटात भीषण अपघात, प्रवाशांनी खचाखच भरलेला पिकअप दरीत कोसळला, 5 जणांचा जागीच मृत्यू

संजय शेंडे, प्रतिनिधी अमरावती: मेळघाटातील धारणी तालुक्यातून एक अतिशय भीषण अपघाताची बातमी समोर येत आहे. राणीगाव ते शिवाझीरी दरम्यान असलेल्या घाटात एक प्रवाशांनी भरलेली पिकअप गाडी ५० फूट खोल दरीत कोसळली. या भीषण अपघातात ५ जणांचा जागीच मृत्यू झाला असून, १० ते १२ जण गंभीर जखमी झाले आहेत. रस्त्यावरील जीवघेण्या खड्ड्यांमुळे हा अपघात झाल्याची प्राथमिक चर्चा परिसरात वर्तवली जात आहे.