मुंबईत मनसेला मोठं भगदाड, पक्ष निर्मितीपासून साथ देणाऱ्या 11 जणांचा तडकाफडकी राजीनामा

सुस्मिता भदाणे, प्रतिनिधी मुंबई: मुंबईत ठाकरे बंधूंची युती झाल्यामुळे मराठी माणसाची ताकद वाढणार, दोन्ही पक्षांना फायदा होणार, अशी चर्चा सुरू असताना मनसेसाठी धक्का देणारी बातमी समोर आली आहे. वांद्रे येथील मनसेच्या बालेकिल्ल्यात पक्षाला मोठे खिंडार पडलं. प्रभाग क्रमांक ९७ आणि ९८ मधील तब्बल ११ प्रमुख पदाधिकाऱ्यांनी आपल्या पदाचे राजीनामे दिले आहेत. उद्धव ठाकरे यांच्या 'मशाल' चिन्हावर उमेदवार रिंगणात उतरवल्याने पक्ष निर्मितीपासून निष्ठावंत राहिलेले मनसैनिक नाराज झाले. यातूनच त्यांनी तडकाफडकी राजीनामा दिला. या बंडाचा मनसेला मोठा फटका बसण्याची शक्यता वर्तवली जात आहे.