युरोप सहल ठरली जीवघेणी, नागपुरचे प्रसिद्ध उद्योजक जावेद अख्तरांसह पत्नीचा इटलीत मृत्यू, 3 मुलं गंभीर

नागपूर: पर्यटनासाठी इटलीमध्ये गेलेल्या नागपूरच्या एका कुटुंबावर काळाने घाला घातल्याची दुर्दैवी घटना समोर आली आहे. नागपूरमधील प्रसिद्ध ‘गुलशन प्लाझा’ हॉटेलचे मालक आणि उद्योजक जावेद अख्तर (वय ५७) आणि त्यांच्या पत्नी नदिरा यांचा गुरुवारी इटलीमध्ये झालेल्या भीषण अपघातात मृत्यू झाला. या अपघातात त्यांचे तीनही मुले आरजू (वय २५), शिफा (वय २१) आणि जाजेल (वय १५) गंभीर जखमी झाले असून, त्यांच्यावर रुग्णालयात उपचार सुरू आहेत. आरजूची प्रकृती चिंताजनक असल्याची माहिती आहे. या घटनेमुळे नागपूरमध्ये शोककळा पसरली आहे.