महिलेची छेड काढल्याचा आरोप, दवाखान्यात जाऊन डॉक्टरला चोपला, Video वाऱ्यासारखा पसरला
- Published by:Akshay Adhav
Last Updated:
नांदेडमध्ये वैद्यकीय अधिकाऱ्याला दवाखान्यात जाऊन मारहाण करण्यात आली आहे. महिला कर्मचाऱ्याला त्रास देत असल्याचा वैद्यकीय अधिकाऱ्यावर आरोप आहे. मारहाणीचा व्हिडिओ समाज माध्यमांवर व्हायरल होत आहे
नांदेड : नांदेडमध्ये महापालिकेच्या वैद्यकीय अधिकाऱ्याला शासकीय रूग्णालयात मारहाण करण्यात आली. नांदेड शहरातील कौठा भागातील महापालिकेच्या रूग्णालयात हा प्रकार घडला. महिला कर्मचाऱ्याला त्रास देत असल्याचा डॉक्टरवर आरोप आहे.
वैद्यकीय अधिकारी डॉक्टर बालाप्रसाद कुंटूरकर हे याच शासकीय रूग्णालयातील महिला कर्मचाऱ्याला त्रास देत असल्याचा आरोप आहे. त्यांनी महिलेची छेड काढल्याचा आरोप आहे. महिला कर्मचारी आपल्या नातेवाईकांसह रुग्णालयात गेली होती. यावेळी डॉक्टर भालाप्रसाद कुंटूरकर आणि महिलेमध्ये शाब्दिक वाद देखील झाला.
वादावादीनंतर महिलेच्या नातेवाईकांनी डॉक्टर कुंटूरकर यांना मारहाण केली. दोन दिवसांपूर्वी हा प्रकार घडल्याचे सांगण्यात आले. मारहाणीच व्हिडिओ समाज माध्यमांवर व्हायरल झाला आहे. हा व्हिडिओ व्हायरल झाल्यानंतर महापालिका प्रशासन आणि पोलिसांकडून काय कारवाई केली जाते याकडे लक्ष लागले आहे.
view commentsLocation :
Nanded,Maharashtra
First Published :
November 30, 2025 5:14 PM IST
मराठी बातम्या/महाराष्ट्र/
महिलेची छेड काढल्याचा आरोप, दवाखान्यात जाऊन डॉक्टरला चोपला, Video वाऱ्यासारखा पसरला
