पाटील, सानप, बडगुजरांना धक्का! नाशिक महापालिकेचा महिला महापौर होणार, कोण आहेत प्रबळ दावेदार? वाचा यादी

नाशिक : प्रतिकूल परिस्थिती, अंतर्गत मतभेद आणि बहुपक्षीय आव्हानांना सामोरे जात भाजपने नाशिकमध्ये राजकीय ताकदीचे प्रदर्शन केले आहे. महापालिका निवडणुकीत १२२ पैकी ७२ जागांवर विजय मिळवत भाजपने नाशिक महापालिकेवर निर्विवाद वर्चस्व प्रस्थापित केले आहे. त्यामुळे नाशिकचा महापौर भाजपचाच होणार, हे निश्चित झाले असून आज नगरविकास खात्याकडून जाहीर झालेल्या आरक्षण सोडतीनुसार खुल्या प्रवर्गातून महिला महापौर होणार असल्याचे स्पष्ट झाले आहे.